เสือฮ้องไห่ |
Posted :
28 / 12 / 2012, 11:10:00 | |
|
มีข้อความ
|
|
สะบายดีปีใหม่ ทุกกลุ่ม ทุกชมรม คร๊าบ!!!
ปีเก่าเบิ๊ดไปแล้ว ปีใหม่ได้มาเถิง ขอพระอินทร์ผู่อยู่เทิง ดาวดึงส์เมืองฟ้า
ประทานพรลงมาให่ มนุษย์ในพื้นแผน ทั่วดินแดนโลกกว้าง ให่เนายั้งอยู่ดี
อย่าได้มีเหตุฮ้อน สรรพสิ่งอันใด โพยภัยหาย อย่าสิหวนเห็นพ้อ
ผู้ที่รอโชคเข่า วาสนาเสริมส่ง สมประสงค์สู่ด้าน งานเงินพร้อมสู่อัน
ผู้ขี่คร้าน ให้พออยู่พอกิน ผู้มีศีลมีธรรม ให่ฮ่างมี ดีได้
ผู้ที่เจ็บป่วยไข่ ให่หายดีมีสุขยิ่ง สิ่งใดดีหลั่งเข่า โพยภัยฮ้ายให่ห่างไกล
ทุกคนมีเป็นได้ สมตั้งใจทุกสิ่งอย่าง ทางชีวิตปีใหม่นี้ สุขขีมั่นสู่คน เด้อ สาธุ
ปีใหม่นี่ ให่มันดีกั่วปีเก่า เงินเข่าเฮือนมื้อละร้อย ปีใหม่ได้มื้อละพัน
ฝันปีเก่านั้น ฝันบ่ดีมีแต่ลายๆ ฝันปีใหม่ให่เห็นโตก้องย่อง ซื้อได้โลดบ่ต้องแปล
แก่ปีเก่านั้น ปีใหม่ให่เป็นบ่าวสาว เมียเฮาเคยเป็นยักษ์เป็นมาร ปีใหม่กลายเป็นนางฟ้า
ผัวขี่ยาขี่เหล่า ให่เซากินเซาดื่ม เคยยืมเงินผู้อื่นใช้ ปีใหม่ให่เป็นเจ้ามือ
เมียให้ถือเงินได้ บ่เกินวันละซาวบาท ปีใหม่เมียให่เพิ่ม ห้าร้อยบาท บ่ต้องทอน เด้อ สาธุ ประหยัดซ่อยกัน...มั่นยืนนนนนน
|
| |
4 ชอบ ข้อความ : L I K E เลิกชอบ ข้อความ : U N L I K E | กะทิสด/FG-02 , Oldman and old ZU , เต่าทอง , กวางต้นน้ำ , |
|
|
|
Board : vision13
|
|
|